Медиаэкранныг телесуургага чүнү көргүзерил?

Бүгү республиканыӊ девискээринге теле-радио эфирлерни дамчыдып турар телесуургада медиаэкран кылып каан.

40 метр бедик черде турар медиаэкран 3600 светодиодтуг сайгылгааннардан тургустунган. Телесуурганың архитектура уран каасталгазын чаартып кылыр ажылды Россияныӊ телерадиодамчыдылга четкизиниӊ ажылдакчылары июнь айда кылып дооскан.

Россияныӊ болгаш Тыва Республиканыӊ күрүне туктары, аккыр өг, төнчү чок аас-кежиктиӊ демдээ - өлчей-кежик удазынын болгаш угулза-хээлер чураан уран чурумалдыг иллюминацияны Кызылдыӊ чурттакчылары орай кежээ көрүп болур.

Р. Демчик.