Өвүр кожууннуӊ прокуратуразы «Интернет» четкизин хынаан түӊнелинде, автотранспорт башкарар эргелиг деп документ садып алырын чарлаан 29 интернет сайтыны тыпкан.
Ындыг чарлалдар РФ-тиӊ девискээринге тарадып болбас медээлерге хамааржыр. Тодаргайлаарга, күрүнениӊ албан ёзу документизин, Россия Федерациязыныӊ, РСФСР-ниӊ, ССРЭ-ниӊ күрүне шаӊналдарын, таӊмаларын, үлегер-майыктыг саазын бланкыларын садып-саарар сорулга-биле мегелеп кылыры РФ-тиӊ Кеземче дүрүмүнүӊ 327-ги чүүлүнде көрдүнген кем-херек үүлгедии болур.
29 интернет-сайтыларда меге документ садып алырын чарлаан медээлерни Россия Федерациязыныӊ девискээринге тарадып болбас деп санаарыныӊ дугайында негелдени судче киирген. Кожуун прокуратуразыныӊ негелдезин суд чүүлдүг деп санааш, негелдени долузу-биле хандырган.
Судтуӊ шиитпири күш кирген, интернет-сайтыларны хагдырган.
Тыва Республиканыӊ Прокуратуразыныӊ медээзи-биле Р. Демчик белеткээн.