Апрель 1 — каткы хүнү
Каткы хүнүн чүге Мелегейлер хүнү база дээрил? Кажан кижилер Юлиан календарьдан Григориан календарьже шилчип, чуртталгазын чаартып турар үеде кижилер Чаа чыл кыжын апарганынга чаңчыкпайн турган. Чамдык улус Чаа чылды апрель 1-де эвес, а январь 1-де уткуурун уттуп алыр турган.
Элээн үр үе дургузунда шала ээдергей улус чоок кижилерин эрги хүнге салчап байыр чедирер турган. Оларны чымчадыр мелегейлер — Poisson d'Avril, француз дылдан очулдурарга, «апрель балыы» дээр турган, тодаргайлаарга, тудары белен балык дээн. Ылап-ла, апрель 1-де баштактанып, шоодары чаңчыл апарган. Ынчангаш Мелегейлер хүнү чоорту бүгү Европага тарааш, сөөлүнде бүгү делегейже тарай берген.
КЫМГА-ДАА БҮЗҮРЕВЕС МЕН
Апрель 1-де ажылче белеткенип тургаш азы херектер кылып үнерде, шупту улус силер-биле ойнап, кыжырып, мегелээр деп бодап алыңар. Каткы хүнүнүң эң-не кол дүрүмү — кезээде ыяк белен турары. Апрель 1-ниң мелегейи болуксавайн турар болгай силер. Бирги арга, ол хүн ынак кижиңерни азы коллегаңарны бир дугаар ойнап мегелепкеш, оон оларның элдепсинген арыннарын көргеш таалаары.
КАНЧААР БАШТАКТАНЫП БОЛУРУЛ?
Кажан, чүнү болуп турарын чүгле силер билир, а өскелер – билбес деп минниишкин дег чаагай чүве кайда боор. Ынчангаш ажылыңарның корпоративтиг почтазынга офиске чүгле кызыл-сарыг хептиг кээр дээн чижектиг чиктиг чагаа келзе, боданыңар. Боттарыңар база коллегаларыңны ойнап баштактанып болур силер — апрель 1-де дириг амытаннарның кургаг чемин чараш хапка суккаш, өрээлдерге үлеп көрүңер даан. Апрель 1 чүгле оюн-баштактан бүткен хөглүг хүн болур ужурлуг.
“Шын” №24 2024 чылдың март 30
МЕЛЕГЕЙЛЕР ХҮНҮ
1 апреля 2024
21