Иези чок, өскүс өскен кижи херээжен кижи бүрүзүн иезинип, сеткил-хөңнүн аңаа бүдүү өргүп, хүндүлеп, бодап чоруур боор чүве. «Ава» деп сөс аңаа кажан кезээде чырык-чаагай, эргеледип-чассыдыптар, чылыдыптар, тоттуруптар кылдыр сагындырар. Ол дег ыдык, буянныг, чоргаар сөс кайда деп.
Игорь Иргит. «Чакпыыл төл» (2008).
Өскүзүнден өлбес дижир
Өргүн чоннуң чугаазы бар.
Айже безин ушкаш келир,
Амыр шагны көрүп чор мен.
Салчак Молдурга «Тураскаалын ыдык сагаан…» (1974)
Эштиң экизи бөдүүнүнде,
Эттиң экизи шынарында.
Иргит Бадра. «Чечен
домактар» (1967)
Черде чыткан черзи безин аңдарлыр. Бистиң бир аңдарлыр хүнүвүс база келир, ажырбас оң.
Виктор Көк-оол. «Найырал» (1976)
Аас-кежиктиг амыдыралдың үндезини — ак сеткилдиг күш-ажыл.
Кара-оол Маспык-оол. «Демисел» (1986)
Ажылга кулданыг дээрге алызы барып, өөредиг-ле болгай… «Эргээ өөренмейн, бергээ өөрен» деп сургаал бар-ла болгай.
Степан Сарыг-оол. «Аңгыр-оолдуң тоожузу» (1988)
/ «Мерген бодалдар (тыва чогаалчыларның
кижизидилге болгаш өг-бүлениң үнелиг чүүлдериниң дугайында)» деп номдан.
«Шын» №94 2024 чылдың декабрь 7