Өг-бүле дээрге база бир бичии күрүне-биле дөмей чүве-дир. Кижи бүрүзү күүседир хүлээлгелиг, харыылаар ажылдыг болур.
Василий Монгуш. «Өре» (1978)
**
Өг-бүлениң эр, кыс ээзи амыдырал дээш деңге хөделбес болза, эгин силиг, хырын тодуг чурттаары берге.
Иргит Бадра. «Арзылаң Күдерек» (1996)
**
Аксым кежии – эртениң-не
Ажылымче далажырым,
Аксым кежии – кежээниң-не
Аалымче чаныксаарым.
Кызыл-Эник Кудажы. «Аксым кежии» (1985)
**
Чуртталга дээрге эки тоол эвес-ле болгай. Ол ам-даа үргүлчүлеп турар. Өөрүшкү-даа, муңгарал-даа, куда-найыр-даа, чарлыышкыннар, чидириглер-даа… Ол шупту каттышкаш, чуртталга боор.
Игорь Иргит. «Төнчүзү эки тоол» (2008)
«Мерген бодалдар (тыва чогаалчыларның кижизидилге болгаш өг-бүлениң үнелиг чүүлдериниң дугайында)» деп номдан.
“Шын” №86 2024 чылдың ноябрь 9