Кызылдың хоочуннарның бажың-интернадынга июль 26-да улуг назылыглар аразынга шыдыраа маргылдаазы болган. Маргылдаага Чаа-Хөл, Чеди-Хөл, Сүт-Хөл, Тере-Хөл, Бай-Тайга кожууннардан база Кызыл хоорайдан хоочуннар киришкен.
Республиканың шыдыраа маргылдааларының хөй дакпыр чемпиону Мөңгүн-оол Тюлюш маргылдаага киришпишаан, судьялаан. Эң-не улуг назылыг киржикчилер 86 харлыг Улуг-оол Кандан биле Бай-Тайга кожуундан 87 харлыг Кусаал Салчак болганнар. Олар шыдамык чоруун болгаш мерген угаанныын маргылдаа үезинде көргүскеннер.
Түңнелинде эр улус аразынга 1-ги черни Мөңгүн-оол Тюлюш, 2 дугаарын Андрей Бегзи, 3-кү черни Макар Донгак, 4-күзүн Дадый Хомушку алган. Кыс шыдыраачылар аразынга шылгарааннар: 1-ги чер — Марина Солан-ооловна, 2-ги чер – Байлакмаа Монгуш, 3-кү чер – Анастасия Күжүгет, 4-кү чер – Тамара Кендикпаа.
ТР-ниң Күш-ажыл болгаш социал полититка яамызының медээзи болгаш чуруу.
“Шын” №29 2025 чылдың июль 31