Республиканың чамдык школаларында частыр бүдүмелдер салган дугайында чажыт медээлерни эрге-хоойлу камгалаар органнар тодараткан. Школаларның айыыл чок чоруун хынаан түңнелинде частыр бүдүмелдер илеревээн, ынчалза-даа өөреникчилерни бажыңнарынче чандырган.
Интернет болгаш социал четкилерге шын эвес медээ таратканы дээш административтиг херекти оттуруп, хамаатыларга 100 муң, албан черлеринге 500 муң чедир, а хөй-ниитиге айыылды тургузуп болур шынга дүүшпес медээ дээш 3 сая чедир рубльга торгаап болур.
Чурттакчы чонну күткүүшкүннүг медээлерниң дөзүн болгаш шын-мегезин эки сайгарып, оларга алыспазын ФСБ-ниң Тывада эргелели кыйгырып турар. Россия Федерациязының айыыл чок чоруунга удур күткүүшкүннер болгаш меге медээлерге хамаарыштыр эрге-хоойлу органнары хоойлу ёзугаар сайгарылганы чорудуп турарын сагындыраалы.
Мина дугайында медээ меге болган.
20 марта 2023
36