Февраль 6-7 хүннеринде "Сүбедей" спорт өргээзинге Тываның Баштыңының Кубогу дээш чаш болгаш элээди мөгелерниң аразынга Шагаа байырлалынга тураскааткан тыва хүреш маргылдаазы болган.
Аңаа шупту 1100 мөгелер киришкен. 2008-2009 чылдарда төрүттүнген бичии оолдарның аразынга, Өвүрден Ананды Куулар, 2010-2011 чылдарда төрүттүнген мөгелер аразынга, Тываның Күчүтен мөгези Эрес Кара-Салдың өөреникчизи Мерген Монгуш, 2012-2013 чылдарда төрүттүнген бичии оолдарның аразынга адаан-мөөрейге база-ла Тываның Күчүтен мөгези Эрес Кара-Салдың "Авырга" спортчу клувунуң мөгези Долаан Чооду шылгарап, шүглүп үнген. Маргылдаа февраль 7-де база уламчылаан 2003-2004-2005 чылдарда база 2006-2007 чылдарда төрүттүнген мөгелер аразынга, Чөөн-Хемчик кожуундан Айслан Самбый-оол болгаш Улуг-Хемден Александр Доржу олар тус-тузунда боттарының хар-назы аайы-биле бөлүктеринге шүүлген.
Мерген Ондар.
Мөге болуру чажындан,аът болуру кулунундан
16 февраля 2021
30