Москва метрозунда - Тыва.

Октябрь 15-те Москваның метрополитени “Сибирь мында” деп темалыг поездини салып үндүрген.
Поездиниң вагоннарын Сибирьниң регионнарының, оларның аразында Тываның онза чараш черлерин көргүскен баннерлер-биле шимеп дерээн.Шак ол поезди Сокольник шугумунга чартык чыл дургузунда чоруп кээр.
Тываның Баштыңы бодунуң блогунга “тыва” вагонну шимээринге тааржыр эң-не онза, чараш, республиканың онзагайын, кол сүлдези кылдыр санаттынар солун черлерин көргүскен чуруктар шилиттингенин дыңнаткан.
“Москваның чурттакчылары болгаш аалчылары, метрополитенниң пассажирлери ынчалдыр республикавысты сонуургап, көрген соонда, Азия төвүнче кээр күзел оларга тыптып кээр-даа чадавас”- деп, Владислав Ховалыг бижээн.
Сонуурганчыг чүүл, тематиктиг вагоннарга станцияларны хөйге билдингир сибирьжилер чарлап турар: хөгжүмчү Денис Мацуев биле Россияның улустуң артизи Нина Усатова.