РФ-тиң Камгалал яамызының тускай шериг операциязының киржикчилеринге дуза чедирер Шериг-социал төвү Москвада ажыттынган. Аңаа тускай шериг операциязының киржикчилери административтиг, информастыг, камгаладылга болгаш саң-хөө ачы-дузазын ап болурлар.
Россияның камгалал сайыдының оралакчызы Анна Цивилева шериг албанныгларның болгаш халажып чоруп турар шериглерниң аразында удур-дедир харылзаага ындыг төптү тургусканының чугулазын демдеглээн.
Социал болгаш өске-даа айтырыгларны дарый шиитпирлээри-биле чогуур шериг органнарының ажылдакчыларын ында хаара туткан.
Ажыдыышкынның ёзулалынга шериг эргелеп-башкарылга органнарының төлээлери, РФ-тиң Саң-хөө яамызының, Чурагайлыг хөгжүлдениң, харылзааның болгаш массалыг коммуникация яамызы, РФ-тиң Президент Администрациязының чоннуң өргүүделдери-биле ажыл чорудар эргелелиниң база “Ада-чурттуң камгалакчылары” фондунуң удуртулгазы киришкен.
Шериг-социал төптүң салбырлары Россияның бүгү шериг округтарынга ажыттынар.
РФ-тиң Камгалал яамызының медээзи.
Чуруктарны интернеттен алган.
“Шын” №49 2024 чылдың июль 3