Сентябрь 9-тан 11-ге чедир уламчылаар Бадылаашкынның чаңгыс аай хүнүнде Тывага шимченир арга-шинээ кызыгаарлыг хамаатыларга үнүүшкүннүг соңгулда комиссиязы чедип турар.
Боттуг чылдагаанныг барымдаалар-биле боду кээп, дорт бадылап шыдавас хамаатыларның бажың-балгадынга азы эмнелге черлеринге участок соңгулда комиссиязының кежигүннери көжер-хааржактарлыг чедип турарлар.
«Баш бурунгаар киирген чагыг ёзугаар соңгулда участок комиссиязының кежигүннери бадылаашкынга амы-хуузунда боду барып шыдавас хамаатыларга чедип турарлар. Ону боттандырар дизе, Хөй хүлээлгелиг төп тавараштыр чагыгны баш бурунгаар киирер ийикпе азы соңгулда комиссиязының, чок-ла болза, чурттап турар чериниң аайы-биле бодунуң участок соңгулда комиссиязының телефонунуң дугаарынче долгап болур” деп, № 34 соңгулда участогунуң оралакчы даргазы Артыш Монгуш дыңнадып турар.
Шак ынчаар бадылаашкынның ийиги хүнүнде № 34 участок соңгулда комиссиязының кежигүннери шимченири хирелиг чурттакчыларга үнүүшкүннүг бадылаашкынны организастааннар. Соңгулда комиссиязы Вавилин ээтпээниң чурттакчыларынга барып чораан.
"Үнүүшкүннүг бадылаашкын биске дыка-ла эптиг-дир, комисссия чылдың-на биске кээп тур. Мээң өөм ээзи болгаш төлүм шимченири чегей улус, мен оларны карактап, ажаап-тежээп турар мен. Үнүүшкүннүг бадылаашкын биске дыка эптиг-дир“ - деп, Вавилин ээтпээниң чурттакчызы Эльвира Калин чугаалап турар.
Бистиң корр.
Буян Ооржактың тырттырган чуруктары.