ТР-ниң Өөредилге яамызы кышкы дыштанылга үезинде "Айыыл чок Чаа чыл" деп акцияны чарлаан.
Өөредилге сайыды Орлан Соян, оралакчызы Лариса Андалаева, яамының Ажыл-чорудулгазын хандырар төвүнүң директору Мерген Хомушку республиканың өөредилге албан черлеринче үнүүшкүннерни кылып турарлар. Социал объектилерниң кышкы одалга сезонунда байдалындан аңгыда, кичээнгейниң төвүнде – уругларның дыштанылгазын чөптүг болгаш ажыктыг эрттирип турары.
Ниитизи-биле республикада "Айыыл чок Чаа чыл" акциязы профилактика субъектилерниң чымыштыг ажыл-ижи-биле эки эртип турар.
Медээни болгаш чуруктарны Өөредилге яамызындан алган.