Наркотиктиг бүдүмелдерниң ажыглалынга болгаш хоойлуга удур садыглаашкынга удур бүгү-делегей хүнүнге тураскааткан бүгү-россия чергелиг «Время НЕзависимых» деп акция езугаар, бо чылдың июнь 20-де Тыва Республиканың ИХЯ-зының Наркоконтроль эргелели Тыва Республиканың Өөредилге яамызы-биле кады ажылдап, «Кибердружина» деп наркотиктерге удур волонтерлар шимчээшкининиң киржикчилери-биле Дөгээ даанче үнүүшкүннү организастаан.
Аңаа Тыва Республиканың ИХЯ-ның наркоконтроль ажылдакчылары база «Кибердружина деп наркотиктерге удур шимчээшкиниң бүдүн өөредилге чылының дургузунда наркотиктерге удур профилактиктиг хемчеглерге идепкейлиг киржип турган волонтерлары киришкен.
Аян-чорук даг эдээнге эртенги сула шимчээшкиннери-биле эгелээн. Бедикче үнери чүгле мага-боттуң күш-шыдалын шенээр эвес, а арыг-силиг, кадык амыдыралче чүткүлдүң демдээ болган. Хемчегниң шупту киржикчилери аян-чоруктуң үезинде бот-боттарын деткижип, эп-найыралды болгаш команданың бедик сүлдезин көргүскеннер.
Кадык амыдыралдың культуразын хөгжүдери – кижиниң амыдыралында кол үнелиг чүүлү – кадыкшыл дээрзин киржикчилер демдеглээннер.
Ниитизи-биле, үнүүшкүннүң киржикчилеринге хемчег өөрүнчүг эрткен. «Бистиң бичии аян-чоруувус чаңчыл бооп артсын» – деп, шагдаалар демдеглээн.
Походтуң төнчүзүнде наркополиция болгаш Тываның Өөредилге яамызының төлээлери дагже үнүүшкүннүң киржикчилеринге тураскаалдыг белектерни тывыскан.
Тыва Республиканың ИХЯ-зының Наркоконтроль эргелели.