Нарын болгаш харыысалгалыг ажыл

«Бүгү-российжи онза комиссия (ВЧК) тургузар дугайында доктаал 1917 чылдыӊ декабрь 20-де үнген. Күрүнени камгалаар сорулгалыг албан черин совет үеде - КГБ, 1993 чылда - ФСБ деп адаан.
2022 чылда Федералдыг айыыл чок чорук албаныныӊ байырлыг хуралыныӊ дугайында Тываныӊ Баштыӊы Владислав Ховалыг социал четкиде блогунга бижээн:

«Россияныӊ айыыл чок чорук органыныӊ тургустунганындан бээр 105 чылынга тураскааткан байырлыг хуралга олуруштум. Полковник Владлен Евгеньевич Мельниковка баштаткан Тыва Республикада ФСБ эргелелиниӊ составынга байыр чедирдим. Шылгараан ажылдакчыларга күрүне шаӊналдарын тывыстым.

Амгы үениӊ байдалдарында, кажан бистиӊ чуртувус чаа-чаа кыйгырыглыг, айыылдыг чүүлдерге таваржып турда, Федералдыг айыыл чок чорук албаныныӊ нарын болгаш харыысалгалыг ажылы онза чугула херек. Профессионал байырлалыныӊ хүнүнде хоочуннарныӊ ажылын онзалап демдеглээр ужурлуг. Олар ылап-ла ажылдыӊ профессионал болгаш алдарлыг чаӊчылдарыныӊ быжыг таваан тургускан, амгы үеде ажылдыӊ уг-шиин аныяк салгалдарга айтып чоруур чүүлү ол болуп турар.

Айыыл чок чорук органнарыныӊ хүндүлүг ажылдакчылары болгаш хоочуннары! Силерге болгаш силерниӊ чоок улузуӊарга чедиишкиннерни, бажыг кадыкшылды болгаш чаагай чолду күзедим!»

Р.Демчик белеткээн.