Ийи оолдуг бир бай кижи чурттап чораан. Ол улуг оглунга ынак болгаш, аңаа хамык ажыл-херээн, өнчүзүн дамчыдар деп бодап алган. А бичии оглун шала кыдыра угаанныг деп көөр болгаш, оозунга өнчүзүн арттырбас деп шиитпирлээн.
Ол байның кадайы оолдарының кайызынга-даа ынак, ынчангаш бирээзи өнчү чок артып каар деп билгеш, хомудаар чораан. Бир хүн ава муңгарап олурда, чанынга кырган ирей келгеш, чүү дээш кударап олурарын айтырган. Ава ийи оглун кандыг салым манап турарын тө каап берген.
«Сеңээ канчаар дузалаарын билир мен. Оолдарыңга дораан чугаала, бирээзи хамык өнчү-хөреңгини алыр, а өскези чүү-даа чок артар деп» — деп, кырган сүмелээн. Оолдарның иези шак-ла ынчаар кылган.
Бичии оглу дораан-на бажыңын каггаш, ырак чурттарже эртем-билиг чедип алыр дээш чорупкан. А улуу ада-иезиниң чанынга артып калган.
Хөй чылдар эрткен. Улуг оглу адазының өнчүзүн алгаш, дораан хамык эт-хөреңгизин төтчеглеп каапкан. А бичии оглу амыдырап өөренип алган болгаш, бай-шыырак чурттап эгелээн.
Чурукту интернеттен хоолгалаан.
“Шын” № 30 2025 чылдың август 7