Оникс — аарыгны намдадыр, оожуктурар, кара күштерден, чаңныктан камгалаар.
Аметист — сагыш- сеткилди, мага-ботту берге байдалдан хостаар. Аметистен кылган моюнга сугар илчирбени азы хол билектээжин кедерге, кижиге күш бээр.
Турмалин — кижиниң шаг-шинээн көдүрер, аныяксыдар, хан эргилдезиниң шимчээшкини экижиир, нерв системазын быжыктырар.
Александрит биле бирюза — хан дамырларын экижидип, арыглаар.
Лазурит, яшма — ай демдээниң үезинде аарып эрттирер херээжен улуска дузалаар.
Ай дажы хорадап, кылыктанып изигленгенде, оожуктурар, уйгуну өйлээр.
Даг хрусталы дамырларны алгыдар, иштики органнарже хан дамчыырын өйлээр болгаш чүрек аарыын эмнээр.
Алмаз иштиг херээжен кижиге уруг савазында чаш төлдү камгалаарынга болгаш ооң чиигээринге дузалаар.
Кораллдар янзы-бүрү балыглар болгаш язва эттиндирер.
Хризопраз күш-шыдал киирер, каракты эмнээр, көөрү экижиир.
Малахит — сагыш-сеткил, эът-кеш балыгланганда, дузалаар.
Янтарь — дыка хөй аарыглардан кижини камгалап болур, хөй талалыг даш деп санаттырып турар. Бооста бези улгатканда, баш дээскингенде, күш-шыдал читкенде, балыг ириңнээнде, ижин-хырынга оюлганнар тывылганда, аарыгны чиигедип дузалаар.
Үнелиг даштарның чамдыызы кижиге күштү дамчыдып бээр, аарыглардан камгалаар, эмнээр.
“Шын” №96 2024 чылдың декабрь 14