Тыва Республиканың хүндүлүг чурттакчылары!
Чоннуң чаңгыс деминиң хүнүн бөгүн демдеглеп эрттирип турар бис. Националывыстан, чүдүлгевистен болгаш социал байдалывыстан хамаарылга чокка Чоннуң чаңгыс деминиң хүнү бисти каттыштырып турар. Бодунуң чуртун болгаш хосталгазын камгалаар дээш, Россияның чону чаныш-сыныш чок болгаш маадырлыг чоруун көргүзүп турган төөгүлүг болуушкуннарны бо хүнде сактып тур бис.
Бо хүннүң ужур-дузазы амгы үеде каш катап күштелип келген. Чаа айыылдар тыптып келген үеде тайбыңны болгаш күрүнениң иштинге эп-найыралдыг чорукту камгалап арттырар дээш, чаңгыс тура-соруктуг болуп шыдаарын бистиң ниитилеливис база катап бадыткап турар. Россияның күчүзү чаңгыс демивисте, бот-боттарывысты хүндүлээринде болгаш деткииринде дээрзинге төөгү бисти өөредип келген.
Тура-соруктуң демнии, акы-дуңмалышкы чорук болгаш найырал Тываның болгаш бистиң улуг чуртувустуң чурттакчы бүрүзүн үдеп чорзун. Чоннарның найыралы улам быжыксын, бистиң өгбелеривистиң культуразы болгаш ёзу-чаңчылдары чечектелзин, келир салгалдарга амыр-чаагай болгаш турум чорук өзүп көвүдезин.
Байырлал-биле, эргим чаңгыс чер чурттугларым!
Тываның Баштыңы В.ХОВАЛЫГ.