Ногаа-чимис дугайында анекдоттар

Адар-оол кадайындан айтырып-тыр:
– Компотту чүгле кат-чимистен хайындырар чүве бе, кадай? Свёкла, морковьтан болбас чүве бе?
Кадайы тургаш:
– Ногаадан хайындырган компотту борщ дээр чүве-дир, мелегей – деп-тир.
***
Автобус доктаамынга ийи эр хөөрежип олурган-дыр.
– Мээң кадайым ногаа аймаан чигге чиирге, ажыктыг дээр чорду.
– Мээң кадайым база көңгүс чем хайындырбас болгай.
***
Холодильникти ажыдыптарымга, чок-ла чүве чок: салат-даа чок, яблок-даа чок, арбуз-даа чок... Шупту чүве чок, чүгле «чок» бар.
***
Бир эвес фруктозаны чимистен бүдүрген болза, а глюкозаны чүден кылган ирги?
***
Эртемденнер свёкла биле морковьту хайнакташтырыпкан. Үнүп келген хайнак ногааны «свекровь» деп адап каан.
***
Айлаңмаа садыгжыга халып келгеш, чарбыттынган:
– Мен оглумну 3 кил слива садып эккээр кылдыр айбылаптым. Эккелген сливазын килдээримге, чүгле 2 кил болду, чедир бербээн силер!
Садыгжы дүште-даа чок:
– Оглуңарны килдеп көөр деп сагынмас улус силер бе? 3 килди берген мен – дээш, тооруун казып турган.
***
Базар. Садып алыкчы садыгжыдан дилээн:
– Меңээ помидордан килдеп бериңерем.
– Турцияның бе азы Испанияның?
– Кайызы-даа дөмей-ле, мен олар-биле чугаалажыр дээн эвес мен.
***
Кадайы ашаанга:
– Духовкада өдүрек суп каан мен, көрүп тур шүве. Мен дыка дүрген садыг халааш, ногаа аймаа садып эккээйн – деп-тир.
Элээн болганда, кадайы кирип келгеш, айтырган:
Канчалдың, эргимим?
Ашаа дүште-даа чок:
Өдүрээң духовкдан үне халываан, анаа-анаа, көрүп олурдум – деп-тир.
***
Садып турар помидорларыңар чүге ногаан чүвел?
Огурецтен ап алыңар ооң орнунга, олар сарыг чүве.
***
Чуртталгада эң-не шын эвес чорук бар: кижиниң холу банкаже сыңмас апарганда, чүгле ынчан кижи дузаан огурецке ынак апаар.
«Шын» №34 2025 чылдың сентябрь 4