ТР-ниң Баштыңы Владислав Ховалыг 2022-2023 чылдың одалга сезонунуң дугайында түңнелдерни үндүрүп, дараазында демдеглелди бодунуң блогунга бижээн:
«Одалга сезону доозулган. Эрткен одалга сезонунда чедери берге ырак кожууннарның электри чырыын хандырар дизельдиг станцияларын чаарткан база хөмүр-даш складтарын немей ажыткан.
Тываның Одалга болгаш энергетика яамызы чуртталга-коммунал ажыл-агый ачы-дуза төлевирлерин чурумчудар ажылдарже кичээнгейни угландырып турар. Чүге дээрге одалга харыылап, чонну чылыг-биле хандырып турар бүдүрүлге черлериниң үзүк-соксаал чок ажылдаарынга чугула херек дериг-херекселдерни чогуур үе-шаанда септээринге акша-төгерик херек болгай. Келир одалга сезонунда хөмүр-даш сөөртүрүнүң графигин сагыырын база хыналдада алган».
А.ОНДАР белеткээн.
Чурукту интернет четкизинден алган.