Дүүн, январь 7-де, Валерий Халилов аттыг Тываның күрүне филармониязынга «Октай»-биле Рождество» деп чыл санында эртер чаңчылчаан концерт болган. Аңаа фольклор-этнографтыг «Октай», «Верея» база «Тыва» ансамбльдери, ол ышкаш орус улустуң «Раздолье» ансамбли оюн-көргүзүүн бараалгаткан.
«Октай» ансамблиниң удуртукчузу Надежда Пономареваның чугаазы-биле алырга, сөөлгү чылдарда хамчыктыг аарыгның хайы-биле коллектив концерттерин онлайн хевирге эрттирип турган болгаш көрүкчүлерин үрде манаан.
«Бөгүн биске дыка девиденчиг хүн болду, чүге дизе Рождество кол байырлалдарның бирээзи болгай. Ооң кадында Красноярск крайдан чалаткан аалчыларывыс база келген» - деп, Надежда Пономарева чугаалаан.
«Октай» Рождество байырлалында
8 января 2023
42