Онза белек - ном.

Малчыннарныӊ республика Наадымыныӊ болгаш Тыва Республика хүнүнде кижилерниӊ бот-боттарынга тутсур эӊ онза белектериниӊ бирээзи ном болган.

Ылаӊгыя Наадым хүнүнде, Тываныӊ улустуӊ чогаалчызы Юрий Кюнзегеш аттыг ном үндүрер чериниӊ садыг-майгынынга номга ынактар хөй келген. Олар колдуунда көдээ черниӊ чурттакчылары болгаш малчыннары.

Чогаалчы Чооду Кара-Күскениӊ бичии уругларга "Чыжырганам чараш", тыва улустуӊ аас чогаалдарыныӊ чыындызы "Матпаадыр", тыва тоолдар чыындызы "Өскүс-оол болгаш Караты-Хаанныӊ уруу", "Делегейниӊ тергиин тоолчулары" дээш тыва дылда өске-даа номнарны олар хөйү-биле садып алгаш барганнар.

Ш. Моӊгуш