Вакцинация
Кызылдың мэриязы улуг найысылалывыс Москваның үлегерин эдерип, коронавирус хамчыынга удур долузу-биле тарылганы алган улус аразынга өртектиг белектерни ойнадырын чарлаан.
Четверг санында тарылга алган кижилерниң соталыг телефонунуң дугаарын организакчыларже эмчилер дамчыдып турар. А пятница хүннеринде, дал дүъш турда Инстаграмның социал четкилери таварыштыр ойнадыр. Дорт дамчыдылга үезинде шупту ойнакчылар көрүп турда, дугаарларын барабандан уштуп, тиилекчилерни илередир.
«Өртектиг белектерни 6 неделя дургузунда ойнадып келир. Долу тарылганы алганнар телевизор, бензин-биле ажылдаар хирээ, смартфон, даараныр машина, блендер, пылесос болгаш оон-даа өске барааннарны алыр» - деп Кызылдың мериязының парлалга албаны дыңнаткан.
Бо чылдың август 2-ден тура тарылганың иелдирзин долузу-биле алганнар («Спутник Лайтты» чаңгысты алган) ойнаашкынга киржир эргелиг. Ооң мурнунда хүннерде тарыдып алганнар оюнга киришпес. Баштайгы белектерниң ээлери болур аас-кежиктиглер бо неделяда-ла билдине бээр.
Сөөлгү медээлер-биле алырга, Тывада 86902 кижи тарылганы алган. Ол дээрге 69,9 хуу. Долу тарылганы 66372 кижи, 53,4 хуу.
#Вакцинация #Кызылхоораймэриязы #Ойнаашкын #Тыва #Тува #Тувамедиагрупп #Тывадыл #Тывамедээ #Tuva #Shyntuva