“Тываавтодор” күрүнениң албан чериниң дыңнадып турары-биле алырга, ноябрь 3-тен 9-ка чедир республиканың девискээринде 372 техника, 329 орукчулар ажылдап турар. Олар 176 катап орукче үнүүшкүннерни кылып, хыналданы кылган. Оон аңгыда 16 хүлээникчи организацияны орук ажылдарынче хаара туткан: «Абазада оруктарның септелге-тудуг эргелели», «Ак–Довурактың ОСТЭ», «Строй-Экспресс» , «Өвүрнүң ОСТЭ», «Дорожник», «ПК ДСТ», «Оникс», «Сарыг - Септиң ОСТЭ», «ДСУ-17», «ТУВААВТОРАНС», «СЗ Бастион», «Сая»КХН-нер база хууда сайгарлыкчылар «Юрков», “Сырат”, «Чаш», «Васильев».
Ол үе дургузунда 2542,5 хыналданы чоруткан, 20 км орукту болгаш ооң кыдыгларын кылыр планны тургускан, 7 орук демдектерин салган, 851,25 км оруктарга тайгыр болбас кылдыр 1132 тонн довуракты төккен, 3279,8 км оруктарда болгаш оларның кыдыында чаа чагган харны аштаан, 83 км черде кылын харны, 201 км орукта хадып каапкан черлерни хардан аштап-арыглаан.
Республиканың девискээринде “Чүс”, “Тээли”, “102”, “Чолалыг”, “Көдүрер-Даш”, “Калчан”, “Чолдак-Орук”, “Соңгу чүкте”, “Калдак-Хамар” арттарында байдал чогуур деңнелде. “Эйлиг-Хемде” дош көвүрүг ам-даа тургустунмаан.
Чурукту Орук-транспорт яамызындан алган.