Тываның Орук-транспорт яамызы республиканың девискээринде чорук чораан кижилерге 9 ачы-дуза чедирип болур хире баазаларны орук албан черлериниң организастап тургусканын дыңнаткан. Машина-балгат үрелген байдалдарга чогуур дузаны орук ажылдакчылары чедирип турар.
Аңаа чүгле машина-балгатты септээринге дуза кадар эвес, а доңуп-дожаан кижилерге чыннып алыр арганы база тургускан. Чуртталга черлеринден ыракка айыылга таварышкан чорумалдарга бирги эмчи дузазын база ук баазаларга чедирип болур.
Орукка машина-балгат үрелген болза азы өске-даа айыылдыг байдалдарга 112 дугаарлыг телефонче долгааш, дуза дилеп болур.
Р-257 федералдыг трассада (орук албан черлериниң баазалары):
• Туран хоорай 729+950 км;
• Кызыл хоорай 803+000 км;
• Шагаан-арыг хоорай 913+000 км;
• Чадаана хоорай 1026+700 км;
• Хандагайты арт кыры 1078 км.
Регион чергелиг оруктарда чыннып ап болур вахта сууржугаштары:
- «Абакан – Ак-Довурак» автооруктуң 316+000 км;
- «Хандагайты – Ак-Чыраа» автооруктуң 58 км;
- «Бояровка – Тоора-Хем» автооруктуң 104 км, «Мюн» арт кыры;
- Бүрен-Аксы – Элегес-Аксы – Куңгуртуг оруунда автокыштаг.