ТР-ниң Дээди Хуралының депутады Эрес Хуурак:
– Тываның Баштыңы Владислав Товарищтайович ТР-ниң Чазааның 2025 чылда кылдынган ажылын түңнеп, ТР-ниң Дээди Хуралының депутаттарынга болгаш чонувуска 2025 чылда кылып чоруткан ажылының дугайында отчётту дыңнатты.
Мээң эң-не онзагайлап демдеглексээр чүүлүм болза, 33 миллиард рубльди тудуг адырынче кииргени болуп турар. Ол дээрге-ле чаа туттунуп турар дыка хөй чуртталга оран-савалары-дыр. Ниитизи-биле 467 муң дөрбелчин метр чуртталга шөлү дужааттынган. Чамдык квартираларда чон чурттап кире берген. Ол дээрге 241 квартира-дыр. Ооң түңнелинде республикавыс Россия девискээринде тудуг талазы-биле рейтингиде 5-ки черже үнүп келди. 2 хуу чиигелделиг ипотеканың ачызында 3359 өг-бүле чурттаар оран-сава айтырыын шиитпирлеп алган. Ынчангаш шак мындыг көргүзүглерлиг отчётту канчап эки дивес боор. Дыка эки үре-түңнелдиг ажыл-дыр. Чаа туттунуп турар бажыңнарның девискээрин чаагайжыдар талазы-биле база ажылдар чогумчалыы-биле чоруп турарын чон көрүп тур боор. Ажыы-биле чугаалаарга, хөгжүлдеже чогуур базымнарны кылып чоруп орары өөрүнчүг-дүр.
Буян Ооржактың тырттырган чуруу.