Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев XXVIII Санкт-Петербургтуң делегей чергелиг экономиктиг форумунуң шөлүнге РФ-тиң Чазааның Даргазының оралакчызы Дмитрий Патрушев-биле ажыл-агыйжы ужуражылганы эрттирген.

2035 чылга чедир Сибирьниң социал-экономиктиг хөгжүлдезиниң стратегиязын боттандырарының планын боттандырарынче кичээнгейни угландыры – ийи таланың кол кичээнгейинде болган. Дмитрий Патрушев Россияның үлетпүр курлавырын улам быжыглаарынга Сибирь федералдыг округтуң стратегтиг ужур-утказын чаңгыс эвес удаа айыткан. Анатолий Серышев Сибирьниң социал-экономиктиг хөгжүлдезиниң айтырыгларынче доктаамал кичээнгейи дээш чазак даргазының оралакчызынга өөрүп четтиргенин илереткен.

«Эртемденнерниң, бизнес төлээлериниң болгаш эрге-чагырга органнарының кады күжениишкиннери Сибирьниң чижилгелиг, турум экономиказын тургузарынче база сибирьжилерниң амыдырал-чуртталгазының шынарын бедидеринче угланган» - деп, бүрүн эргелиг төлээ чугаалаан.

Бо чылдың апрельде «Сибирь федералдыг округтуң хөгжүлдезиниң хемчеглерин боттандырары» деп 62 дугаарлыг ажелы-херээниң эгелээнин барымдаалап, бүрүн эргелиг төлээ албан чери, Сибирьниң регионнарының удуртукчулары база «Сибирь дугуржулгазы» деп регионнар аразының ассоциациязы-биле сырый харылзаалыг хайгаарал системаларын чедир чурумчулар херек» - деп, ол немээн