Хөй чылдар дургузунда өөренген деп бадыткап турар шынзылга документилеринге хамаарышкан медээ күрүнениң ачы-дуза порталынга канчалдыр тыптып кээп турарыл?
Күрүнениң ачы-дуза порталынга аттестат азы диплом дугайында медээ Россияның өөредилге хайгааралының даңзызындан кирип турар. Ук албан ёзу даңзызында Россияның девискээринге 1992 чылдың июль 10-дан тура тывыскан шупту өөредилге документилеринге хамаарышкан барымдаалар шыгжаттынган.
Ындыг-даа болза чамдык документилер күрүнениң ачы-дуза порталынга көзүлбес болуп турар.
Ооң кол чылдагааннары:
- документиниң дугайында медээни ам-даа даңзыже киирбээн. Школалардан барымдааларның кииртилгези үш хонук болур, дээди өөредилге черлеринден – 60 хонук.
- даңзыда СНИЛС-тиң саннары чок. СНИЛС-тиң саннарын даңзыже чайгаар-ла чүгле 2021 чылдан тура чорудуп эгелээн.
- документиниң дугайында барымдаалар даңзыда чок болуп чадавас. Өөренген деп шынзылганы тывыскан организацияны даңзыже документини киирген бе деп ылавылап айтырары чогумчалыг.
- документ дугайында медээни даңзыже частырыглыг киирген чадавас. База-ла өөредилге организациязынче киирген барымдааларын хынаар кылдыр ылавылап чедер.
- бир эвес хамааты ат-сывын солудуп турган болза, чаа ат-сывы бар документиниң хоолгазын өөредилге черинден алыр ужурлуг.
Күрүнениң ачы-дуза порталында бодунга хамаарышкан барымдааларны кичээнгейлиг хынаары чугула.
О. СААЯ белеткээн.
Чурукту интернет четкизинден хоолгалаан.
“Шын” №27 2025 чылдың июль 17