Референдум – ужур-чөптүг шиитпир.

Тыва Республиканыӊ Дээди Хуралыныӊ (парламентизиниӊ) Даргазы Каӊ-оол Даваа:

«Россияныӊ Президентизи Владимир Путинниң Россия чоок улузун хилинчектиг байдалга амыдырап-чурттаар кылдыр арттырбас, салым-чолун шиитпирлээр дээш боттары чүткүп турда, оларже көрүнмес аргазы чок дээни-биле чөпшээрежир мен.

Донецк, Луганск улустуӊ республикаларыныӊ, Херсона биле Запорожье областарныӊ удуртулгазы, чон-биле чугаалашкан соонда, Россияныӊ составынче кирериниӊ дугайында референдумнар эрттирер деп шиитпирни хүлээп алган.

Ук референдумнарныӊ түӊнелдерин Россия деткиир дээрзи чугаажок. Чүге дизе амыр-тайбыӊ хамаатыларга удур киев режиминиӊ кылып турар чүүлдери эӊ-не коргунчуг янзы-бүрү хевирлерлиг апарган.

Барыын чүк бар күжү-биле Россияны тоо быдарадыр аӊгылаарын оралдажып турары кымга-даа чажыт эвес. Амгы үеде эӊ-не кол чүүл хамаатыларныӊ быжыг демниг болуру эргежок чугула»