«Рейтинг» деп Россияның медээлер агентилелиниң эксперттериниң РФ-тиң Саң-Хөө яамызының, казначействонуң, чизе чериниң көргүзүглеринге даянып тургусканы рейтингизиниң 2021 чылдың түңнелдери-биле алырга, Тыва социал-экономиктиг сайзырал талазы-биле рейтингиде бодунуң туружун экижидип алган. Республика 2015 чылдан бээр бир дугаар 83 дугаар черже көдүрлүп келген. Ооң мурнунда ол 84 дугаар черден бедивейн турган.
Тыва биеэги хевээр аутсайдерлерниң ончуунда арткан-даа болза, бо удаада улуг көдүрлүүшкүннү көргүскен. Рейтингиниң тургузукчулары үүрмектеп бараан садар садыг-саарылганың сайзыраанын, экономикада хаара туттунганнарның санының көвүдээнин, каттыштырган бюджеттиң өскенин демдеглеп турар. Эки түңнелдиг көдүрлүүшкүн социал адырда – ажыл чок хамаатыларның саны кызырылган, ядыы-ядамык кижилер эвээжээн, ортумак назын узаан.
Шинчилел ажылы 2021 чылда регионнуң сайзыралының кол көргүзүглеринден үндезинни алган. Ол дээрге бараан бүдүрүлгезиниң болгаш ачы-дуза чедирилгезиниң хемчээли, экономикада хаара туттунганнарның саны, үүрмектеп бараан садар черлерниң сайзыралы, орулгалыг бүдүрүлгелерниң үлүү, ажыл чок хамаатыларның саны дээш оон-даа өске. Рейтинг баллын ол көргүзүглерге үндезилеп санаар.
Бистиң корр.