Божудулга бажыңынга ДНК-зын хынап болур
Россияның чурттакчыларының хөй кезии (52 хуу) божудулга бажыңынга адазының ДНК-зын хынаар практиканы деткип турар, бир эвес ийи тала боттары чөпшээрежир болза.
Шинчилелдерниң түңнели-биле респондентилерниң 68 хуузу уруг төрүттүнүп келген соонда, генетиктиг шенелдеге киржиринге беленин айыткан. Херээжен улустуң 70 хуузу, эр улус – 67 хуу.
Аналитиктерниң санап турары-биле эр улустуң 61 хуузу өске кижиниң төлүн өстүрүп, ооң чуртталгазынга киржир ужурга таваржып турар. Ынчангаш төл чаа-ла төрүттүнүп кээрге, ооң ДНК анализин дораан хынап болурун чурттакчыларның хөй кезии деткип турар.
Бо талазы-биле улустуң саналын айтырар хемчегни 2026 чылдың апрель 8-те эрттирген. Аңаа 18 харга чедир 1,6 муң российжи хамаатылар киришкен.
Маркировкага чаа негелделер күш кирер
РФ-тиң доктаалы ёзугаар 2026 чылдың май 1-ден тура үс аймаа болгаш кондитер продукцияларының маркировказынга хамаарыштыр чаа негелделер күш кирер. Ону киирген чылдагааны, садыглар баартактарында шынары багай, кижиниң организминге хора чедирип болгу дег чем аймааның санын эвээжедири. Ол дугайында О.Е. Кутафин аттыг университеттиң хамааты эргелериниң кафедразының башкызы Виталий Сбитнев дыңнаткан.
Май айдан тура хендир үзү болгаш өске-даа үс аймааның маркировказында инфор- мастыг системага мониторинг эрткен дугайында айытпаан болза, ону садарын хоруур.
Ол ышкаш чаа негелделер кондитер продукциязынга, чигир холуксаалыг чемнер (ак шоколад), доңуруп каан десерттер, хлеб аймаа, торттар, үр шыгжавас ужурлуг пироженоелерге база хамааржыр.
Maкс бирги черде
“Россия Федерациязының чурттакчыларының апрель 1-ден 12-ге чедир МАКС-ты бир хонукта ажыглааны 2 млрд минута четкен. Ынчалдыр Россияның чурттакчылары хүннүң-не 30 минута дургузунда МАКС-ты ажыглап турар” деп Mediascop дыңнаткан.
Ол ышкаш 2026 чылдың март айның түңнели-биле МАКС платформаны хүндүс ажыглап турар улустуң саны 80 сая ашкан. МАКС мессенджерни ажыглап эгелээн үеден бээр ында капсырылгалар немелдези 110 сая четкен.
Кино үлетпүрүнде ГОСТ-та чаартылгалар
Кинематография адырында стандартчыдар техниктиг комитеди үш ГОСТ-ту белеткээш, 2027 чылда бадыладыр деп турар. Чаа стандарттар видеонуң шынарынга хамаарышкан болур деп Россияның стандартизация институдунуң чиңгине директорунуң оралакчызы Алексей Иванов дыңнаткан.
Ооң мурнунда ТАСС-тың дыңнадып турганы-биле, 2025 чылдың төнчүзүнде үстүнде адаанывыс комитет чурагайлыг кино бүдүрүлгезинге, прокатка (түр хөлезиледири), кино көргүзеринге болгаш үр хуусаада архивке шыгжаар форматка хамаарышкан ГОСТ-та чаартылгаларны ажылдап кылыр дээн.
“Баштайгы стандарттар – видеонуң көстүрүнге болгаш шынарынга хамаарышкан үш документ-тир. Чоорту үн болгаш ооң деңнелин хемчээр методика, шыгжаарының формадынга хамаарышкан Госфильмофондунуң бодунуң көрүжү-биле бо хүнде чугула айтырыгларны ажылдап кылыр” – деп, А. Иванов чугаалаан.
Ооң чугаазы-биле программаже 10-дан хөй национал стандарттар кирип турар.
Пауэрбанк самолётка ап болур бе?
Росавиацияның демдеглеп турары-биле самолётка пауэрбанк ап чорууру кызыгаарлыг-даа болза, шуут хоруур чылдагаан амдыызында чок болуп турар.
Сентябрь айда Росавиацияның удуртукчузу Дмитрий Ядров самолёттарга пауэрбанк ап чоруурун кызыгаарлаар дугайында шиитпир хүлээри арай-ла элек болуп турарын чугаалап турган. Российжи авиакомпанияларның бортунга ийи удаа иштики аккумуляторлар өрттенген соонда, ооң анализин кончуг шыңгыы чоруткаш, пауэрбанкты экспертизаже дужааган соонда, ону само- лётка ап чоруурун хоруур чылдагаан чок деп түңнээн.
Медээлерни болгаш чуруктарын ИТАР ТАСС-тан алган.
“Шын” №15 2026 чылдың апрель 23
"Шын" солуннуң МАХ-каналынга каттыжыңар https://max.ru/join/egenQjfuGzdL6mt0tSEaIo13rmlpMRQzzSnZQdqfHFY