«Тиилелгениң диктантызының» тиилекчизи немелде баллдар алыр
«Тиилелгениң диктантызының» тиилекчизи дээди өөредилге черинче дужаап кирерде, немелде баллдар ажылдап алыр. Акцияның түңнелдери дээрге кижи бүрүзүнүң чедиишкини-дир деп, эртем болгаш дээди өөредилге сайыдының оралакчызы Константин Могилевский демдеглээн.
«Тиилелгениң диктанты- зы» – чаңгыс аай күрүне шылгалдазынга немелде баллдарны ажылдап алыр арга дээрзин РФ-тиң эртем болгаш дээди өөредилге сайыдының оралакчызы Константин Могилевский ТАСС-ка болган парлалга конференциязынга дыңнаткан.
«Диктантыга тиилээри дээрге дээди өөредилге черинче дужаап тургаш, немелде баллдарны ажылдап ап болур бот-тускайлаң чедиишкин-дир. 2023 чылда Россияның Өөредилге болгаш эртем яамызы дээди өөредилге черлеринге абитуриентилерге бот-тускайлаң чедиишкиннер дээш баллдарны тыпсып тургаш, диктант түңнелдерин кичээнгейге алырын сүмелээн. Бо сүмелерни элээн каш дээди өөредилге черлери хүлээп, иштики дүрүмнеринче киирген» – деп, Константин Могилевский чугаалаан.
2026 чылда «Тиилелгениң диктантызынга» 400 муң хире өөреникчи киришкен. Ол дээрге ниити киржикчилерниң 14 хуузу-дур.
Шөлээге беш хонукту немээрин саналдаан
Күрүне Думазының Бюджет болгаш үндүрүглер талазы-биле комитединиң даргазының оралакчызы Каплан Панеш назы четпээн уругларның ада-иелеринге чылдың-на беш календарь хүнүнге чедир немелде төлевирлиг дыштанылганы киирер ужурлуг. Ындыг хемчегден ажыл берикчилериниң чидириглерин шынчы чоруктуң бедии, ажылчыннарның эвээжеп турары болгаш социал харыысалгалыг бизнестиң быжыг ат-алдары өжүрүп болур деп, Күрүне Думазының Бюджет болгаш үндүрүглер талазы-биле комитединиң даргазының оралакчызы Каплан Панеш ТАСС-ка саналдаан.
"Чайгы үеде школачыларның дыштаныр үези-дир. Уруглар ада-иези-биле кады эрттирер үезин четтикпейн манап турар. Чамдык ада-иелер ажылындан төлевир чок шөлээ хүннерни дилээр азы ажы-төлүнге дыштаныр үезин шуут ойталаар ужурга таваржып турар. Бо байдалды өскертир дээш, Күш-ажыл кодекизинге өскерилгелерни киирерин саналдап тур мен, ынчангаш шупту ажылдакчыларга назы четпээн уругларлыг ажылдакчыларның шөлээзинге беш хонукту немээри чугула. Бо хүннерни чүгле чайгы үеде, ажылдакчының шиитпири-биле ажыглап болур» – деп, депутат тайылбырлаан.
Халас өөредирин болгаш шалыңны өстүрерин саналдаан
«Чөптүг Россия» партиязының даргазы Сергей Мироновтуң бодалы-биле алырга, ортумак профессионал өөредилге башкыларының шалыңын база өстүрер херек.
Ортумак профессионал өөредилге бүрүнү-биле халас болур ужурлуг деп «Чөптүг Россия» партияның даргазы Сергей Миронов ТАСС-ка чугаалаан.
"Ортумак өөредилге черлеринде төлевирлиг өөредилгени бүрүнү-биле узуткааш, ону шуут халас кылыр херек. Дыка хөй уруглар дүрген бут кырынга туруп, акша ажылдап эгелээр дээш, техникумнарже барып турар" – деп, С. Миронов чугаалаан.
Ол ышкаш ортумак өөредилге черлеринде башкыларның шалыңын өстүрери чугула херек деп санап турар.
«Техникум, колледж башкыларының шалыңы, школа башкылары дег, регионнуң ортумак шалыңының эвээш дизе 200 хуу болур ужурлуг. Ол айтырыгны шиитпирлээр дээш, бистиң партиявыс ажылдаар» – деп, парламентарий немээн.
Школачыларлыг өг-бүлелерге чылдың-на төлевир
Школачыларның ада-иелеринге чаа өөредилге чылынга белеткениринге дузалажыр дээш, чылдың-на сентябрь 1-ге чедир уруг бүрүзүнге 30-50 муң рубль хире акша төлээр ужурлуг дээрзин «Чөптүг Россия» партиязының удуртукчузу Сергей Миронов саналдаан.
Аалчылар саны чеди сая ашкан
2026 чылдың чазында Россияның камгалалдыг черлеринче 4,5 миллион хире кижи аалдап четкен. Эң-не хөй аалчылар хүлээген чер Ставрополь крайның Кисловодск хоорайның Национал парыгы болган. Ол бо чылдың июньда он чылдаан юбилейин демдеглээн. Март, апрель болгаш май айларда аңаа 124 миллион ажыг кижи аалдап четкен.
Россияның камгалалдыг черлеринче, национал парктарже, федералдыг ыдыктыг черлерже эрткен чазын аалчыларның ниити саны 4,44 сая болган. Бойдус курлавырларының яамызының Росзаводтөптүң парлалга албаны чыл эгезинден бээр 7 миллион ашкан деп, ТАСС-ка дыңнаткан.
/ А.ОНДАР белеткээн.
ТАСС-тың чуруктары болгаш медээлери.
“Шын” №24 2026 чылдың июнь 25
"Шын" солуннуң МАХ-каналынга каттыжыңар: max.ru/join/egenQ...