Россияның почта салбырлары ноябрь 3, 4, 5 хүннеринден аңгыда, октябрьның 30-ден ноябрь 7-ге чедир анаа ажыл хүннеринде ышкаш ажылдаар.
Ноябрь 4 – Чоннуң чаңгыс деминиң хүнү – Тыва Республиканың почта салбырларынга дыштаныр хүн. Ынчангаш шупту почта салбырлары ноябрь 3-те бир шак эртежик хагдынар.
Ноябрь 5-те Россияның почта офистери субботаның графиги-биле чонну хүлээп алыр.
Октябрь 30-ден ноябрь 2, база ноябрь 6, 7-де анаа чурум-биле ажылдаар.
Чамдык көдээ черлерде почта салбырларында ажыл шактарын өскерткен. РФ-тиң Пенсия фондузунуң регион салбырлары-биле дугурушканы езугаар, тус черлерниң онзагайын көрүп, расписание езугаар пенсия, пособиелерни почтальоннар чедирер.
Россияның Почтазының мобильдиг капсырылгазы азы компанияның сайтызындан чоокку почта салбырының ажылдаар чурумун билип ап болур. Мобильдиг тургузугда бо шөлүгже https://pochta.onelink.me/YTri/2ff3e10 киргеш, капсырылганы ажыдып болур.
ТР-ниң Чазааның парлалга албаны.
#Россияныңпочтазы #Почтасалбырлары #Дыштанырхүннер #Тыва #Тува #Шынсолун #Тывадыл #Тывамедээ #Tuva #Shyntuva