Донецк болгаш Луганск республикаларның абонентилери российжи системаларның +7 деп коду-биле эгелээн дугаарларны алыр. Ол дугайында медээни операторларның чоруткан SMS-дамчыдылгазын таварыштыр билип алыр.
“Бөгүн республиканың +38071 кодтуг “Феникс” харылзаа операторунуң абонентилери российжи системаның коду-биле эгелээн немелде дугаарны алыр” – деп, Донецк республиканың баштыңы Денис Пушилин дыңнаткан.
Луганск республиканың харылзаа болгаш массалыг харылзажылга сайыдының хүлээлгезин күүседип турар Андрей Еременконуң чугаалап турары-биле алырга, чурттакчы чон “регион иштинден Донецкиже-даа, Россияже-даа российжи код дузазы-биле долгап болур аргалыг апаар”.