«Маадырның школазы» Россия чергелиг шуулганга РФ-тиң чырыдыышкын сайыды Сергей Кравцов Россияның 6 000 ажыг школазы маадыр атты эдилеп турар дээрзин медеглээн.
«Бистиң чуртувустуң төөгүзүнден алгаш көөр болза, өзүп орар салгалдарывыска болгаш биске үлегер болган улузувус хөй. Ол дээрге эртемденнер, күш-ажылдың маадырлары, башкылар, эмчилер дээш оон-даа хөй. Бо хүннерде Россияның 6 000 ажыг школазы маадыр атты эдилеп турар. Оларның дугайында ажы-төлге чугаалааш, төрээн черинге ынакшылды салгалдарывыска оттуруп турар бис. Буянныг үүлеже, шынчы болгаш кижизиг чорукче өзүп орар чаштарны кыйгырып турарывыс ол» – деп, Сергей Кравцов демдеглээн.
Сталинградка болган тулчуушкуннуң 80 чыл болган оюнга тураскааткан шуулган Волгоградта 500 ажыг башкыларның, удуртукчуларының, музей ажылдакчыларының дээш оон-даа хөй төлээлерниң киржилгези-биле болуп турар.
Ук шуулганга «Маадырның школазы» Россия чергелиг ассоциацияны ажыдар дугайында шиитпир хүлээп алдынган.
А.ОНДАР белеткээн.
Россия чергелиг ассоциацияны ажыдар
30 апреля 2023
34