Иштики херектер органнарының хүндүлүг ажылдакчылары болгаш хоочуннары! Профессионал байырлалыңар-биле сеткилимниң ханызындан байырымны хүлээп ап көрүңер!
Россияның төөгүзүнде иштики херектер органнары корум-чурум системазының бүзүрелдиг чөленгиижи база күрүне институттарының эң чугулазы чораан болгаш болуп артпышаан. Харыысалгалыг даалгаларны күүседип тура, силер хүн бүрүде хүлээлгеңерге бердингениңерни көргүзүп чоруур силер. Силерде дыка улуг харыысалга онаашкан, чүгле хоойлу-дүрүм камгалакчыларынга эвес, а күрүнеге бүзүрелдиң деңнели силерниң ажылыңарның шынарындан, шынчы чорууңар болгаш корум-чурумуңардан хамааржыр.
Ведомствонуң хоочуннарын ханы өөрүп четтириишкин-биле сактып чоруур бис. Силерниң эрес-дидим чорууңар, мерген угааныңар болгаш байлак арга-дуржулгаңар бөгүн бүгү системаның ажылының быжыг таваан салган. Эрге-хоойлу камгалалында аныяк салгалдың ажылдакчыларынга мөзү-шынарның үлегери апарган силер.
Амгы үе хоойлу-дүрүм камгалаар органнарга чаа, улуг хемчээлдиг, нарын сорулгаларны тургузуп турар. Хөй-ниити ажыл-чорудулгазының шимчээшкини, чурагайлыг үениң онзагайлары чүгле хууда эрес-дидим чорукту эвес, а бедик билиг-мергежилди, дүрген хөделиишкинни, мурнакчы технологияларны ажыглап билирин негеп турар. Сибирьниң делгем девискээринге корум-чурумну хандырбышаан, ол кыйгыларга дээштиг харыылап турарыңарны көрүп турар бис.
Силерниң ажыл-чорудулгаңарның өскерлиш чок угланыышкыны кандыг-даа күчүлээшкиннерге болгаш үүлгедиглерге удур хөделип шыдаан база ам-даа шыдаар. Россияның хамаатылары эң-не берге байдалдарда безин силерниң арга-дуржулгаңарга болгаш шынчы чорууңарга бүзүрелдиг. Силерниң ажылыңар чон ортузунда шынчы чорукка болгаш хоойлунуң күжүнге бүзүрелди быжыктырып турар силер.
Бистиң Ада-чуртувустуң турум чоруунуң үндезини – даштыкыдан ыйыдыышкыннар үезинде чоннар аразында эп-сеткил каттыштырылгазын божаңнадырынче угланган күткүүшкүннерни шиитпирлиг үзе шавары силерде онаашкан. Экономиктиг кем-херек үүлгедиишкиннерин илередир болгаш организастыг кем-херек үүлгедиишкиннери база наркотиктиг бүдүмелдер садып-саарылгазы-биле доктаамал демисежири чугула ужур-уткалыг.
Тургустунган чаңчылдарны чоргаарал-биле сагып, Россияның хамаатыларының амыр-тайбыңын болгаш айыыл чок чоруун камгалап, кем-херек үүлгедии-биле демиселди чедиишкинниг уламчылаарыңарга бүзүрээр мен. Силерге быжыг кадыкшылды, төнчү чок күш-шыдалды, ажыл албаныңарга депшилгени, чаа-чаа улуг чедиишкиннерни күзедим. Өг-бүлеңерге амыр-тайбың, аас-кежик, быжыг кадыкшылды, чаагай чорукту күзедим!