Россияда долу эвес мобилизация чарлаттынган.

РФ-тиң Президентизи Владимир Путин РФ-тиң Камгалал яамызы биле Чепсектиг күштерниң Генштавының киирген саналын деткип, чурт иштинге долу эвес мобилизация чорударының дугайында Чарлыкка атты салган.

''Дээди кол командылакчы, чурттуң Президентизи Владимир Владимирович Путинниң даалгазы-биле долу эвес мобилизация ажылын чорудуп эгеледивис - деп, Тываның Баштыңы Владислав Ховалыг медеглээн.- Тываның шериг комиссариады-биле чогуур даңзыны тодаргайлап тур бис. РФ-тиң Чепсектиг күштеринге шериг албанын эрттирген, курлавырда турар хамаатыларның санын болгаш шериг мергежилдерин тодаргайлап тур бис''.

Росияның эрге-ажыктарын, айыыл чок чоруун камгалаары-биле, бо хүнден эгелеп чуртта долу эвес мобилизация чоруттунуп эгелээн. Шериг курлавырда турар, шериг албан-хүлээлгеге арга-дуржулгалыг хамаатыларны кыйгыртыр, олар тускай операцияга таарыштырган немелде белеткелди эртер.

Мобилизацияга кыйгырткаш, тускай шериг операциязынга киржип турар хамаатыларга керээ-биле шериг албаны эртип турарларга деңнеттинер болгаш оларга көрдүнген бүгү төлевирлер чоруттунар.