Россияда сан-чурагайлыг “Наследие.дом.рф”платформа ажыглалга кирген.

Культурлуг өнчүнүң объектилерин катап тургузар талазы-биле улуг хемчээлдиг инициатива — сан-чурагайлыг “Наследие.дом.рф” платформа Россияда эгелээн. Ол дээрге күрүнениң сорулгаларын, социал миссияны болгаш бизнестиң аргаларын каттыштырып турар онзагай төлевилел.
Амгы үеде байдалы багай, культурлуг өнчүнүң эргилээн объектилери болур төөгүлүг бажыңнарны болгаш тураскаалдарны чаартып, оларга чаа амыдыралды бээринге белен, амгы үении-биле ажыглаарынга таарыштыр эде кылыр инвесторларга дузалаарынче ол угланган.
Россияның 72 регионнарында ниити шөлү 1 млн. дөрбелчин метр 1009 объектилер амгы үеде каталогче кирген.
Тыва Республикада күрүне камгалалында культурлуг өнчүнүң 1428 объектилери бар, оларның 728-зи федералдыг чергелиг, 73-жү регион чергелиг. Культурлуг өнчүнүң регион чергелиг объектилериниң дөртүнүң байдалы багай.
Баш бурунгаар кылып чоруткан ажылдарның болгаш капитал септелгеге херек акша-төгериктиң хемчээлин тодаратканының түңнелдери-биле Тыва Республиканың девискээринде регион чергелиг культурлуг өнчүнүң байдалы багай ийи объектилерин “Наследие.дом.рф” порталга, инвесторларны хаара тудар дээш, киирген:
- Тываның улустуң революстуг партиязының Төп комитеди турган бажың (объектиниң ID 1995), адрези: Кызыл хоорай, Ленин кудумчузу, бажың 17.
- Тывага культура революциязы болгаш коммунистиг күш-ажыл дээш шимчээшкин-биле төөгүзү холбаалыг республика типографиязының бажыңы (объектиниң ID 1995), адрези: Кызыл хоорай, Щеткинкин-Кравченко кудумчузу, бажың 1.
Бо объектилер амгы үеде “садыглажыышкынга белеткел” статузунда турар.
Ажылды чорударының чурумунда: объектини шилип алыры, документациязы-биле таныжары, садыглаажыышкынга киржири, дузалаары болгаш төлевилелди боттандырары.
Платформаның эрге-хоойлу статузу Күрүне Думазынга бирги номчулгазы эрткен хоойлу төлевилели-биле быжыглаттынган. Бо чүүл күрүне органнарының системазы-биле демнежилгени, ооң эргежок чугулазын болгаш тодаргай билдингирин хандырар.
“Наследие.дом.рф”/utm sourc...