Кел чоруур Чаа чыл-биле силерге бүгү сагыш-сеткилимден байырны чедирип тур мен! Чаа чыл дүнезин болгаш байырлал хүннерин эң чоок кижилериңер, төрелдериңер-биле эрттирерин күзедим.
Чаагай чаңчыл болгаш бот-боттарыңарны чылыг сагыш-сеткил, ачы-буян-биле бүргээр, деткимчениң болгаш ынакшылдың сөстерин чугаалаар дээш, 2025 чылда чүү болганын, кандыг болуушкуннар сагыжыңарда артып каанын кады сактып көрүңер.
Эрткен чыл силерге анаа эвес болганы чугаажок. Бергедээшкиннер турза-даа, бис оларны кады шыдажып эрткен, ынак төрээн чуртувустуң чаагай чоруу дээш демниг ажылдаан бис – ол дээрге дыка үнелиг чүүл болганынга бүзүрээр мен.
Идеялар үзел-бодалдар болгаш планнар апарып, чуртталгага боттанып, чаа бажыңнар туттунуп, чаа бүдүрүлгелер ажыглалга кирип турарын көөрү өөрүнчүг-дүр. Бо чылдың хүн бүрүзүнде бис сибирьжилер, айыыл чок, турум болгаш аас-кежиктиг келир үениң тайбың таваан боттарывыска болгаш дараазында салгалдарга салып турган бис.
Эргим өңнүктер! 2025 чылдың кол чедиишкиннериниң бирээзи – хөй ажы-төлдү азырап өстүрүп турар өг-бүлелерниң Сибирьде көвүдээни. Ада-ие болуру – аас-кежик, хүндүткел болгаш харыысалга-дыр. Күрүнениң кол сорулгаларының бирээзи – российжи өг-бүлелер хөй болуру, оларга бүгү талалыг деткимчени көргүзери, ажы-төлү бүзүрелдиң болгаш ынакшылдың байдалынга өзери, өг-бүлезиниң ук-салгалын, Россияның улуг төөгүзүн билири, ёзу-чаңчылдарын болгаш үнелиг чүүлдерин хүндүлээри.
Бо чылда Ада-чурттуң камгалакчыларының чылын, Улуг Тиилелгениң 80 чылын демдеглеп, бис тиилекчилерниң ук-салгалы бис дээрзин сактып, өгбелеривистиң ат-алдарынга мөгейдивис. Боттарывыстың өгбелеривистиң болгаш адаларывыстың чагыгларынга шынчы бис. Россияга бараан болуру – бистиң ниити ыдыктыг хүлээлгевис-тир.
Бөгүн мурнуку шугумда турар дайынчылар болгаш командирлер – ёзулуг маадырлар силер. Хүн бүрүде силерниң дайынчы чорууңар – эрес-маадырлыг боорунуң үлегери-дир!
Бистиң чаңгыс демивис шуугаазын чугаада эвес, а хүн бүрүде ажыл-херектеривисте болгаш бот-боттарывыска бүзүрелде. Чоок кижилериңерниң болгаш төрелдериңерниң чылыг хүлүмзүрүүнден, эки чүүлдерни күзээнинден 2026 чыл эгелезин, ужуражыышкыннарның өөрүшкүзү-биле долу болзун. Чүректериңерге эргим кижилерни камнаңар, оларга чылыг-чырыкты сөңнеңер, Чаа чылда аас-кежиктиг болгаш каң кадык болуңар.
Байырлал-биле!
Россияның Президентизиниң Сибирь федералдыг округта бүрүн эргелиг төлээзи Анатолий СЕРЫШЕВ.