Россия Федерациязының Президентизиниң федералдыг округтарда бүрүн эргелиг төлээ институду тургустунгандан бээр бо чылын 25 чыл болган. Май 12-де Россияның Президентизиниң Сибирь федералдыг округта бүрүн эргелиг төлээзи Анатолий Серышевтиң чанында Чөвүлел хуралы болуп эрткен. Тываның Баштыңы Владислав Ховалыг ол хуралга киришкен. 2010-2016 чылдарда Президентиниң Сибирьде бүрүн эргелиг төлээлери – Виктор Александрович Толоконский биле Николай Евгеньевич Рогожкин олар төөгүлүг ол хүнге тураскааткан хуралга база киришкеннер.
Анатолий Серышев хуралды ажыдып тура, Россияның Президентизи Владимир Путин бодунуң чарлыы-биле федералдыг округтарга күрүне баштыңының бүрүн эргелиг төлээлер институдун тургузар дээн үеден бээр май 13-те 25 чыл болурун демдеглээн. «Бүрүн эргелиг төлээ институдунуң кол сорулгазы — Россия Федерациязының Президентизиниң шиитпирлерин болгаш инициативаларын чер-черлерге боттандырары, федералдыг хоойлулар күүселдезин контрольдаары, ол ышкаш эрге-чагырганың бүгү деңнелдеринге демниг хөделишкиннерни дүүштүрери болган болгаш болуп артар» – деп, ол чугаалаан.
«Россия Федерациязының хөгжүлдезиниң бүгү-ле төөгүлүг үе-чадаларында Сибирь геополитиктиг база экономиктиг талазы-биле көөрге, чурттуң кол территориязы болганын 2021 чылдан ол албан-дужаалда ажылдап чоруур Анатолий Анатольевич Серышев демдеглээн. Бистиң бүрүн эргелиг төлээвистиң бодалы-биле алырга, эрткен 25 чылдарда Сибирь федералдыг округта кылдынган бүгү-ле чүүлдер Бүрүн эргелиг төлээ аппарадының регионалдыг күрүне эрге-чагырга органнары болгаш губернаторлар-биле кады демниг ажылдаанының үре-түңнели-дир» — деп, Тываның Баштыңы Владислав Ховалыг хуралдың түңнелде демдеглээн.
«Сибирь регионнарының Баштыңнары боттарының регионнарының хөгжүлдезиниң бүгү-ле ажыл-чорудулгазы дээш шудургу болгаш активчи лидерлер болуп, чоннуң дилеглерин кезээде кичээнгейге алган» – деп, Анатолий Серышев чугаалаан.
Сибирь федералдыг округта амгы үеде 10 регион бактааттынган: Тыва, Алтай, Хакас, Алтай республикалар, Красноярск база Алтай крайлар, Иркутск, Кемерово, Новосибирск, Омск, Томск областар.
Аңгы-аңгы чылдарда РФ-тиң Президентизиниң СФО-да бүрүн эргелиг төлээлери кылдыр ажылдап чорааннар:
Леонид Вадимович Драчевский
1942 чылдың апрель 5-те төрүттүнген, күш-культура болгаш спорттуң күрүне эргелелиниң адырынга, РФ-тиң Даштыкы херектер яамызының кезектеринге ажылдаан, даштыкы херектер сайыдының оралакчызы, РФ-тиң Хамаарышпас Күрүнелер Демнежилгезиниң херектериниң талазы-биле сайыды чораан. 2000-2004 чылдарда – Россия Федерациязының Президентизиниң Сибирь федералдыг округта бүрүн эргелиг төлээзи.
Анатолий Васильевич Квашнин
1946 чылдың август 15-те төрүттүнген, 2022 чылдың январь 7-де мөчээн. Армияның генералы. Россия Федерациязының Чепсектиг Күштериниң Чиңгине штавының Кол оперативтиг эргелелдиң начальнигиниң бирги оралакчызы, ол ышкаш Чечен Республикада Россияның шериглериниң каттышкан бөлүүнүң командылакчызы, Соңгу Кавказтың шериг округунуң шериглерин башкарып, Дагестанга шериг операцияларын удуртуп, Косовода Приштина хоорайның чоогунда Слатина аэропортун контрольга алырынга Россияның Агаар-десант шериглериниң батальон операциязын планнаарынга киришкен. РФ-тиң Чепсектиг Күштериниң Чиңгине штавының начальниги – камгалал сайыдының бирги оралакчызы. 2004 чылдан 2010 чылда – Россия Федерациязының Президентизиниң Сибирь федералдыг округта бүрүн эргелиг төлээзи.
Виктор Александрович Толоконский
1953 чылдың май 27-де төрүттүнген. Новосибирск хоорай хуралының даргазы, Новосибирск хоорайның мэри, Новосибирск облазының губернатору, Красноярск крайның губернатору. 2010 - 2014 чылдарда – Россия Федерациязының Президентизиниң Сибирь федералдыг округта бүрүн эргелиг төлээзи.
Николай Евгеньевич Рогожкин
1952 чылдың июнь 21-де төрүттүнген. Кургаг чер шериглериниң Кол штавының начальнигиниң оралакчызы, РФ-тиң ИХЯ-ның Иштики шериглер кол командылакчызының оралакчызы, РФ-тиң ИХЯ-ның Иштики шериглер кол командылакчызының бирги оралакчызы, РФ-тиң ИХЯ-ның Иштики шериглерниң кол командылакчызының бирги оралакчызы – Кол штабтың начальниги, Иштики шериглерниң кол командылакчызы, Россия Федерациязының Иштики херектер яамызының Иштики шериглерниң кол командылакчызы. Россия Федерациязының Президентизиниң Сибирь федералдыг округта 2014 чылдан 2016 чылга чедир бүрүн эргелиг төлээзи.
Сергей Иванович Меняйло
1960 чылдың август 22 төрүттүнген. Вице-адмирал. Каспий флодунга ажыл-албаны эрткен, Соңгу Кавказка террорга удур операцияга киришкен. Новороссийскиниң шериг-далай баазазының штаб начальниги база командири чораан. Грузияны тайбыңче чыгаар операцияны эрттиреринге Абхазия угланыышкынынга Кара далай Флодунуң шериг күштериниң бөлүүн командалаан. РФ-тиң Кара далай флодунуң командылакчызының оралакчызы. Крымга бот-камгалал отрядтарын тургузарынга киришкен. Севастополь хоорайның губернаторунга соңгуткаш, Севастопольдуң Чазаан база удуртуп турган. 2016 чылда Россия Федерациязының Президентизиниң Сибирь федералдыг округта бүрүн эргелиг төлээзинге томуйлаткан. 2021 чылда Соңгу Осетия-Алания Республиканың Баштыңы албан-дужаалга соңгуткан.
Анатолий Анатольевич Серышев
1965 чылдың июль 19-та төрүттүнген. Айыыл чок чорук органнарынга албан ажылын кылып чораан, Россия Федерациязының Федералдыг Айыыл чок албанының Карелия Республикада эргелелиниң начальниги, Россия Федерациязының Федералдыг таможня албанының удуртукчузунуң оралакчызы. 2018 чылда Россияның Президентизиниң дузалакчызы албан-дужаалга томуйлаткан. 2019 – 2021 чылдарда Россия Федерациязының Президентизиниң чанында казактар херээниң талазы-биле Чөвүлелди удурткан. 2021 чылда Россия Федерациязының Президентизиниң Сибирь федералдыг округта бүрүн эргелиг төлээзинге томуйлаткан.
Россияның Президентизиниң федералдыг округтарда бүрүн эргелиг төлээлер институду 25 чылдаан юбилейин демдеглээн
14 мая 2025
8