Россияның студентилериниң хүнү-биле сургуулдарга, студентилерге, аспиранттарга болгаш башкыларга сеткилимниң ханызындан байыр чедирип тур мен! Студент чылдар - чуртталгаңарның эң-не солун, өөрүшкүлүг, уттундурбас үелериниң бирээзи-дир. Бо үениң онзагай үнези ооң хөй талалыында: силер делегейни идепкейлиг шинчилеп, профессионал болгаш хууда бодуңар өзүп, шынчы эш-өөрнү тып, быжыг өг-бүлелерни тургузуп болур силер. Силерниң өөренип турар үеңерде кижи бүрүзү бүзүрелдиг эш-өөрнү тып алырыңарга, а бот-боттарыңарга дузаңар, кады чогаадыкчы ажылылыңар силерниң дидим бодалдарыңарны боттандырарының чарылбас кезээ апаарынга идегеп тур мен.
Бистиң чуртта хөй күжениишкиннерни аныяктарга таарымчалыг чурттаар байдалдарны тургузарынче, оларның чогаадыкчы арга-шинээн боттандырарынче угландырган. Сибирьниң регионнарында өөредилге инфраструктуразы доктаамал чаартынып турар. Студентилер бедик технологиялыг дериг-херекселдерлиг лабораторияларга, делгем өрээлдерге өөренир база спортчу болгаш культурлуг хемчеглер эрттирер аргалыг, амгы үениң дээди өөредилге черлери туттунуп турар, Амгы үениң дээди өөредилге черлери туттунуп турар,. «Профессионал» программаның дузазы-биле колледжтер болгаш техникумнарда кадрлар белеткелиниң шынары чаа деңнелче үнүп, экономиканың боттуг секторунда бүдүрүлгелер-биле харылзаа быжыглаттынып турар.
Эргим эштер! Ам силерге кызыгаар чок хөй аргалар ажык. Силер өскерлиишкиннер үезинде чурттап чоруур силер, ынчангаш улуг Россияның аас-кежиктиг келир үезин тургузар ужурлуг силер. Россияның Президентизи Владимир Путинниң национал хөгжүлде сорулгаларын чедип алыр дизе, эртем, техниктиг болгаш гуманитарлыг адырда бедик мергежилдиг специалистер болгаш эртем-билиглерин болгаш арга-дуржулгазын херек кырында ажыглап шыдаар аныяк профессионалдар херек.
Бо арга-хевирлерни долузу-биле ажыглаарыңарны күзедим. Келир үеде ажыл-чорудулгаңар сорук кииришкинниг болгаш бот-бердиниишкинниг болзун. Силерниң шупту эгелээшкиниңерге – өөредилгеңерге, чогаадыкчы чорууңарга, спортка, ынакшылга болгаш найыралда чедиишкиннер бүргеп чорзун!
Байырлал-биле!
Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев