Өртке удур онза чурум

Апрель 20-ден май 10-га чедир Тыва Республиканың девискээринге өртке удур онза чурумну чарлаан. Ол үеде дараазында чүүлдерни кылыры хоруглуг:

1) будук-чээргенден одаг кыпсыры, кургаг сиген, саазын бок өрттедири;

2) арга-арыгларга, оруктар кыдыынга, көдээ ажыл-агыйның черлеринге, хемнер, хөлдер девискээринге, онза камгалалдыг черлерге, хоорайлар, суурлар чоогунга, курлавырның черлеринге, садчылар болгаш огородчулар ниитилелдеринге, өнчүнүң бүгү хевирлериниң бүдүрүлгелеринге база организацияларынга от айыылы дугайында улуг ажылдар чорудары;

3) арга-арыгларның өртке удур чаагайжыдылгазын боттандырып турар кижилерден, техника-хөлгеден аңгыда, хамаатыларның арга-арыг иштинге чорууру хоруглуг.

Өртке удур онза чурумну хажытканы дээш дараазында административтиг харыысалга көрдүнген:

- хамаатыларга 10 000-дан 20 000 рубль чедир хемчээлдиг торгаал;

- албан-дужаалдыг кижилерге – 30 000-дан 60 000 рубль чедир;

- хууда сайгарлыкчыларга – 60 000-дан 80 000 рубль чедир;

- организацияларга – 400 000-дан 800 000 рубль чедир.

Өрт озал-ондаан болдурганы, кижилерниң өлүмүн азы оларның кадыкшылынга хора чедиргени дээш хоойлуга дүүштүр кеземче харыысалгазын онаары көрдүнген.

/ А.ХЕРТЕК белеткээн.
Чуруктарны интернет четкизинден алган.

"Шын" №33 2023 чылдың май 6