Июнь 6-дан 10-га чедир Тываның девискээринге кааң изиг хүннер болур деп, регионнуң ОБЯ-зы республиканың чурттакчы чонунга дыңнаткан.
Агаарның ортумак температуразы климаттыг нормадан 7 хуу бедик болур. Республиканың чамдык черлеринге агаарның изии 35 градус ажа бээр.
Хүндүс агаарның изии дендээнинден, V класстың өрт айыылының онза байдалы тургустунар. Ынчангаш регионнуң Чазаа июнь 21-ге чедир Тывада өртке удур онза чурумну узаткан.
Тываның ОБЯ-зы ол үеде арга-арыг киреринге, одаг кыпсып, кургаг оът-сиген болгаш бок өрттедиринге хоругдаашкыннар хевээр артканын сагындырган.
/ Бистиң корр.
"Шын" №41 2023 чылдың июнь 7