Эрткен неделя дургузунда Чөөн-Хемчик, Каа-Хем, Тожу, Улуг-Хем кожууннарның девискээринге өрттер болгулаан:
Август 19-та Чөөн-Хемчиктиң Хөндергейденмурнуу-барыын чүк талазынче 9 километр черге чаңнык дүшкен соонда, аргага өрт катап өөскүп үнген (ниити шөлү 30 гектар). Ону өжүреринге 41 кижини, 1 техниканы хаара туткан. Өрттү август 28-ке чедир өжүрер сорулга салдынган.
Август 19-та Чөөн-Хемчиктиң Бажың-Алаак суурдан мурнуу-барыын чүк талазынга чаңнык дүшкен соонда, 19 километр черде аргада өрт демдеглеттинген (ниити шөлү 10 гектар). Өрттү өжүреринге 48 кижини, 4 техниканы хаара туткан. Өрттү август 28-ке чедир өжүрер сорулга салдынган.
Август 25-те Чөөн-Хемчиктиң Элдиг-Хем суурундан соңгу-барыын чүк талазынче 7 километр черде аргага чаңнык дүшкен соонда, өрт өөскээн (ниити шөлү 1 гектар). Ону өжүреринге 9 кижини, 2 техниканы хаара туткан. Өрттү сентябрь 2-ге чедир өжүрер сорулга салдынган.
Өжүрген өрттер:
Август 8-те Каа-Хем кожууннуң Владимировка суурундан мурнуу-чөөн чүк талазынче 33 километр черде аргага чаңның дүшкен соонда, өрт үнген (ниити шөлү 5 гектар). Август 21-де 95 га шөлде өрттү өжүрген. Аңаа 24 кижи киришкен. Август 26-га чедир болган өрттү катап өөскүвес кылдыр хыналдага алган.
Август 17-де Улуг-Хемниң Иштии-Хем суурундан мурнуу-барыын чүк талазынче 8 километр черде аргага чаңнык дүшкен соонда, өрт үнген (ниити шөлү 1 гектар). Август 25-те ниити шөлү 5 гектар чедир калбара берген өрттү өжүрген. Ынаар 45 кижини, 1 техниканы хаара туткан.
Август 25-те Тожунуң Доора-Хем суурундан мурнуу-чөөн чүк талазынче 16 километр черде аргага чаңнык дүшкен соонда, 0,2 гектар черге өрт өөскээн. Ол өрттү август 26-да өжүрген. Аңаа 9 кижини, 2 техниканы хаара туткан.
Август 19-та Улуг-Хемниң Арыскан суурундан мурнуу чүк талазынче 10 километр черге арга өрттенген. Чылдагааны – чаңнык дүшкен. Ниити шөлү 5 гектар. Август 25-ке чедир ниитизи-биле 284 гектар шөлге өрттү 22 кижи, 4 техника күжү-биле өжүрген.
Август 23-те Каа-Хемниң Кундустуг суурундан соңгу-чөөн чүк талазынче 9 километр черде аргага өрт өөскээн (ниити шөлү 5 гектар). Август 25-те 55 гектар чедир калбара берген өрттү 37 кижи, 7 техника күжү-биле өжүрген.
ТР-ниң Чазааның медээзи-биле.
Чурукту интернеттен хоолгалаан.
2025 чылдың август 28 “Шын” №33