Чаа-Хөл кожууннуң чурттакчылары кончуг демниг чон. Ооң бир херечизи кожууннуң девискээринде хову-шөлдерге хып үнген өрттерни өжүреринге чаа-хөлчүлерниң чылдың-на эрес-дидим киржип турары.
Кожуун болгаш Шаңчы суму чагыргазының, культура эргелелиниң ажылдакчылары Шаңчының малчыннары чоокта чаа Идик-Хончу деп черже дүрген чедип, аңаа хып үнген өрттү шалыпкын өжүрүп, ооң тарап кыварын болдурбааннар.
Чаа-Хөл кожууннуң Хараганныг-Хову, Көжээлиг-Хову, Чаңгыс-Хадың деп черлерге август 12-ниң хүнүнде хып үнген өрттү өжүреринге демнежип киржиринче чурттакчы чонну, өрттер хып турар черлерде малчын аалдарда кижилерни Чаа-Хөл кожууннуң чагыргазы кыйгырган. Кожууннуң эң эрес-дидим, күш-шыдалдыг эр кижилери өрттерни өжүреринге киришкен.
Бистиң корр.
Өрттерни өжүрген
14 августа 2024
16