Кызылдың Сүбедей спорт ордузунга август 24-тен сентябрь 8-ке чедир саң-хөө ажылдакчыларының 8 командазының аразынга чаңчыл болган спартакиадазы болуп эрткен.
Аңаа дараазында хевирлерге маргылдаалаан: киберспорт, шыдыраа, мини-футбол, хол бөмбүү, стол теннизи, эстафета, хореография, канат тыртары. Маргылдаалар бедик деңнелге эрткен.
Спартакиаданы эрткен чылгы чемпион Россельхоз банкызының командазы удуртуп эрттирген. Изиг тулчуушкуннарның түңнелинде 1-ги черни Ажаалга банкызы, 2-ги черни Казначейство эргелели, 3-кү черде Тыва национал банкының командалары тус-тузунда шаңналдыг черлерни алган. Дараазында 2025 чылда спартакиаданы Ажаалда банкызының командазы эрттирерин хүлээнген.
«Шын» №69 2024 чылдың сентябрь 11