«Өскүстерни болгаш ада-иезиниң хайгааралы чок арткан уругларны чурттаар оран-сава-биле хандырары” федералдыг тускай сорулгалыг программа Тываның аңгы-аңгы кожууннарында боттанып турар.
Тес-Хем кожуунда тудуг талазын харыылаар специалист Сырга Идамның медеглээни-биле алырга, 2022 чылда ук кожуунга ниитизи-биле дөрт чуртталга бажыңын тудары көрдүнген. Самагалдай суурнуң Спортивная кудумчузунга 59, 61, 63, 65 дугаарлыг бажыңнарның тудуунуң ажылы кидин-түлүк чоруп турар.
«Алдын» кызыгаарлыг харыысалгалыг ниитилелдиң директору Артыш Лопсан-биле 2022 чылдың январь 31-де 3 360 973 рубльга 2 бажыңны, өске 2 бажыңны тударынга база ол-ла тудугжу-биле ол-ла хүн 3 318 697 рубльга керээлерни чарган.
Тудугнуң ажылы 40 хуу боттанган. Бо хүннерде 9 кижиден тургустунган чаңгыс бригада ажылдап турар. 2022 чылдың август 30-де тудуг 100 хуу доозулган турар ужурлуг.
А. Ондар белеткээн.
Чуруктарны Тес-Хем кожууннуң чагыргазының парлалга албанының ажылдакчызы Алена КУУЛАР тырттырган.