База бир өөредилге чылы доостурунга чедир санныг хонуктар арткан. Ол дээрге-ле, чайгы дыштанылга чоокшулаанының херечизи-дир. Республиканың аңгы-аңгы булуңнарында школачылар дыштаныр лагерьлерни уруглар хүлээп алырынга белеткел ажылдары эгелей берген.
Тес-Хем кожууннуң Самагалдай ортумак школазының коллективи «Сайлык» бичии уруглар лагериниң корпустарының печказын чаартып кирипкен.
«Сайлык» – ук кожууннуң ажы-төлүнүң эң-не ынак дыштаныр чери. Школачылар өөредилге чылының доостурун четикпейн манап турар деп болур. Ажы-төлдүң айыыл чок чоруу бирги черде. Ынчангаш хынаар органнарның негелдезинге дүүштүр септелге ажылдарын чорудары кончуг чугула.
Бистиң корр.