Барыын-Хемчик кожуунда “Россияда ажыл” деп кадр төвүнге ааржы быштактарының мастер-клазы болуп эрткен. Быштакты кылырының чажыттары-биле социал керээниң киржикчизи Оксана Каң-оол үлешкен.
Дөрт шактың дургузунда киржикчилер Маскарпоне, Дольче Формаджьо, Адыг быштак дээн чижектиг хевирлерни кылырының чажыттарын билип алганнар, а ол ышкаш ийи хевирниң йогуртун канчаар кылырын шиңгээдип алганнар.
Мастер-класстың үезинде киржикчилер эрттирикчиге хөй санныг айтырыгларны салганнар: Россияның кандыг регионнарында быштак бүдүрүлгези хөгжээнил, каяа өөренип ап болурул, янзы-бүрү хевирниң быштактарын канчаар кылырыл дээш оон-даа өске.
Бистиң корр.
Чуруктарны интернеттен алган.
«Шын» №25 2024 чылдың апрель 3
Шөйген быштак чыды чаагай
4 апреля 2024
4