"Шагаа мергени" хүндүлүг ат манап турар

Шагаа байырлалының 3 чаазында национал паркта Республика чергелиг тыва ча адар оюннуң баг адар хевириниң маргылдаазы болуп эртип турар. Ниитизи-биле республиканың барык шупту кожууннарындан 50 эр, 26 кыс багжы киржип турар. Ук маргылдааны 2015 чылдан тура доктаамал эрттирип турар. Эр-даа, херээжен-даа улус аразында чаа багжылар немешкен. Маргылдааның тиилекчизин “Шагаа мергени” деп күрүне чергелиг хүндүлүг ат манап турар.