«Көдээ девискээрлерниң комплекстиг хөгжүлдези» күрүне программазының «Көдээ девискээрлерниң амгы үеде даштыкы хевири» федералдыг төлевилелиниң акшаландырыышкыны-биле Улуг-Хем кожууннуң Шагаан-Арыг хоорайда 150 олуттуг уругларның уран чүүл школазының тудуу кидин түлүк.
Бо хүннүң байдалы-биле ол 53 хууга кылдынган. Оран-саваның даштыкы овур-хевири үнүп келген: соңгаларын салып каан, электри шугумун киирген, суг, чылыг болгаш канализация четкилери коштунган.
2025-2026 чылдарның муниципалдыг керээзи 167,6 сая рубль түңнүг кылдыр ажыл хүлээникчизи О.К. Аракчаа хууда сайгарлыкчы-биле чардынган. Ооң иштинче «Тардан-Голд» КХН-ниң деткип дузалааны 9,5 сая рубль база кирип турар.
Чаа уругларның уран чүүл школазы элээдилерниң салым-чаяанын ажыдып сайзырадыр, келир үеде хөгжүм болгаш уран чүүл талазы-биле мергежилдер шилип алырынга идигни бээр ужурлуг. Салым-чаяанныг өзүп олурар салгалды бүгү тала-биле деткиир эптиг байдалды чаа школа тургузар.
Бистиң корр.
“Шын” №3 2026 чылдың январь 29